Ind disable

Wednesday, April 30, 2008

പ്രണയകാലം

ഇടവഴികളില്‍ ..
പുല്‍മേടുകളില്‍
കരിമ്പനക്കാടുകളില്‍
തരിശ്ശുനിലങ്ങളില്‍
വെളിമ്പറമ്പുകളില്‍
പറന്നണയുന്ന കാറ്റ്.
ചാറ്റല്‍ മഴ
അന്യോന്യം കലഹിച്ചുകൊണ്ടിരിക്കുന്ന
മഴയും കാറ്റും...
ഒന്നു ജനല്‍പ്പാളി തുറക്കുകയേ വേണ്ടു
അഴിഞ്ഞ ചിരിയുമായി ഉള്ളിലേക്ക് വരാന്‍...
വിരല്‍തുമ്പില്‍ സ്പര്‍ശിച്ച് കിന്നരിക്കാന്‍..
കുശുമ്പും കുന്നായ്മയും
മൊഴിയുന്ന ചാറ്റല്‍മഴകള്‍..
ഒരിക്കല്‍വരണ്ട ഭൂമിക്ക്മേലെ
പറവകളില്ലാത്ത ആകാശത്തില്‍
മഴയുടെ മുടിയാട്ടം ഞാന്‍
കാണിച്ചു തന്നപ്പോള്‍ നീ ചിരിച്ചു..
പിന്നെ മയക്കത്തിലും സ്വപനത്തിലും
മഴയുടെ വിഹ്വല പരിചരണം..
മഴ തൊട്ടുണര്‍ത്തുന്ന പുതിയ ലോകം
അകാശത്ത് നിലാവൊഴിയുമ്പോള്‍
പാടത്തും പറമ്പിലും പെയ്യുന്ന മഴയും കിനാക്കളും..
മഴയപെയ്തൊഴിയുമ്പോള്‍
പായലിനും ഓരുവെള്ളത്തിനും മീതെ
കടലാസു തോണിയായി
ഒഴുകിനടക്കുന്ന നീയും ഞാനും...